ගෝඨාගෙන් හෙළා දැකීමක් ! ව්‍යාජ වැඩක් ගැන අනාවරණය වෙයි | Colombocall ගෝඨාගෙන් හෙළා දැකීමක් ! ව්‍යාජ වැඩක් ගැන අනාවරණය වෙයි - Colombocall

Hot News

ගෝඨාගෙන් හෙළා දැකීමක් ! ව්‍යාජ වැඩක් ගැන අනාවරණය වෙයි




තම මාධ්‍ය අංශය බවට හඟවමින් සාවාද්‍ය පුවත් කිහිපයක් සමාජ මාධ්‍ය පිටුවළ පළකර ඇති බවත් එම ක්‍රියා තරයේ හෙළා දකින බවත් ජනපති ගෝඨාභය රාජපක්ෂ මහතා සිය ෆේස්බුක් පිටුවෙන් සඳහන් කරයි.
'මහජනතාව වෙත කරන කෙරෙන විශේෂ නිවේදනයයි' යනුවෙන් සඳහන් කරමින් එම නිවේදනය නිකුත් කර ඇති අතර තම නිල වෙබ් අඩවි හා සමාජ මාධ්‍ය පිටුවල පළකරන තොරතුරු පමණක් පරිශීලනය කරන ලෙසද ඔහු ජනතාවගෙන් ඉල්ලා සිටියි.
"දැනට අප රටේ පවතින COVID-19 ව්‍යසන තත්ත්වය නිසා බොහෝ ශ්‍රී ලාංකිකයින් විවිධ අන්දමේ අපහසුතාවයන්ට ලක්ව ඇති බව මම දනිමි.
ජනතාවගේ ගැටළු උපයෝගී කර ගනිමින් බොරු ප්‍රචාර පැතිරවීම ඔස්සේ නොයෙකුත් අයුතු වාසි බලාපොරොත්තු වන යම් යම් කණ්ඩායම් විසින් මා සහ මාගේ මාධ්‍ය අංශය විසින් නිකුත් කළ බව හැඟවෙන සාවද්‍ය පුවත් කිහිපයක් සමාජ මාධ්‍ය පිටුවල පළකර ඇති බව මාගේ නිරීක්ෂණයට ලක්විය.
ජාතියක් ලෙස අප ව්‍යසනයකට මුහුණ දෙන මෙම මොහොතේ සිදුකරන මෙවැනි ක්‍රියා තරයේ හෙළාදකින අතර මාගේ නිල වෙබ් සහ සමාජ මාධ්‍ය පිටු ඔස්සේ මුදාහරින පණිවිඩ පමණක් පරිශීලනය කරන මෙන් මම කාරුණිකව ඉල්ලමි."