ශ්‍රී ලංකාව කොරෝනා නිසා දරිද්‍රතාවයේ පතුළටම ඇද වැටෙනවා ! | Colombocall ශ්‍රී ලංකාව කොරෝනා නිසා දරිද්‍රතාවයේ පතුළටම ඇද වැටෙනවා ! - Colombocall

Hot News

ශ්‍රී ලංකාව කොරෝනා නිසා දරිද්‍රතාවයේ පතුළටම ඇද වැටෙනවා !


ශ්‍රී ලංකාව ඇතුළු දකුණු සහ නැගෙනහිර ආසියානු රටවල් කොවිඩ් -19 වසංගතය හේතුවෙන් සිදුවිය හැකි ආර්ථික කඩාවැටීම් හමුවේ ‘දරිද්‍රතාවයේ වේදනාව’ අත්විඳීමට ඉඩ ඇති බවට ලෝක බැංකුව අනතුරු අඟවනවා.
මෙම කලාපයේ මිලියන 24 ක ජනතාවක් මේ වන විටත් වසංගතය හේතුවෙන් දරිද්‍රතාවයේ පතුළටම ඇදවැටී ඇතැයිද ලෝක බැංකුව පෙන්වා දෙනවා.
නිවේදනයක් නිකුත් කරමින් ඊයේ (31 දිනයේ දී ලෝක බැංකුව වැඩිදුරටත් පෙන්වා දී ඇත්තේ කලාපයේ ආර්ථික මට්ටම තවදුරටත් අර්බුදයට ලක් වුවහොත් තවත් මිලියන 11 ක ජනතාවක් මේ වසර ඇතුළත (2020) ‘දිළිඳු බවේ සීමාවෙන්’ පහතට ඇද වැටෙනු ඇති බවයි.
එසේම 2019 වර්ෂයේදී 5.8% ක සීමාවේ පැවති කලාපයේ ආර්ථික වර්ධන වේගය මෙම වසරේදී 2.1% දක්වා පහත වැටී ඇති බවත් එය ඉදිරි මාස 03 දී තවත් 0.5% කින් පමණ පහත වැටෙනු ඇතැයි ද අපේක්ෂා කරන බව එම නිවේදනයෙන් ප්‍රකාශ කරනවා.
කෙසේ වෙතත් මින් පෙර නොවූ ආකාරයේ කැපවීමකින් සහ වේගයකින් කලාපයේ රටවල් කටයුතු කළහොත් මෙම අර්බුදයෙන් යම් තරමකට හෝ ගොඩ ඒමේ අවස්ථාව පවතින බවද එම නිවේදනයට අත්සන් තබා ඇති උප සභාපති වික්ටෝරියා ක්වාක්වා ලෝක බැංකුව වෙනුවෙන් වැඩිදුරටත් ප්‍රකාශ කර තිබෙනවා.