රාජ්‍ය අමාත්‍ය ධුර සංඛ්‍යාව අඩුකිරීමට ගත් තීරණය ගැන ජනපති කියයි | Colombocall රාජ්‍ය අමාත්‍ය ධුර සංඛ්‍යාව අඩුකිරීමට ගත් තීරණය ගැන ජනපති කියයි - Colombocall

Hot News

රාජ්‍ය අමාත්‍ය ධුර සංඛ්‍යාව අඩුකිරීමට ගත් තීරණය ගැන ජනපති කියයි




නව රජයේ රාජ්‍ය අමාත්‍ය ධුර සංඛ්‍යාව අඩුකිරීමට බලාපොරොත්තු වුවද, ප්‍රතිපත්ති ප්‍රකාශයේ සඳහන් වගකීම් ඉටුකිරීම වෙනුවෙන් මෙලෙස පත්කිරීමට සිදුවූ බව ජනාධිපති ගෝඨාභය රාජපක්ෂ මහතා පවසනවා.
අද (27) පෙරවරුවේ ජනාධිපති ලේකම් කාර්යාලයේදී නව රාජ්‍ය අමාත්‍යවරුන් සහ නියෝජ්‍ය අමාත්‍යවරුන් පත්කිරීමෙන් අනතුරුව ජනාධිපතිවරයා මෙම අදහස් පළ කළා.
එහිදී ජනාධිපති ගෝඨාභය රාජපක්ෂ මහතා මෙසේද සඳහන් කළා.
“මේ ලබපු තනතුරු වරප්‍රසාද නෙමෙයි ඒවා වඩාත් වගකීම් බව තේරුම් ගන්න් ඕන. ජනතාව අතිවිශාල ජනවරමක් දුන්නේ විශාල බලාපොරෙත්තු ඇතිව.
මේ තනතුරු ලබාදීමේදී අපිට දේශපාලනික වශයෙන් වැඩකරපු, වැඩි ඡන්ද ප්‍රමාණයක් ලබාදුන්න අයට ලබාදෙන්න හැකියාවක් නෑ. විශේෂයෙන්ම ව්‍යවස්ථාවේ තිබෙන සීමා හේතුකොට ගෙන.
රාජ්‍ය ඇමතිවරුන්ගේ සංඛාව අඩුකරන්නට කැමැත්තක් තිබුණත් අපේ ප්‍රතිපත්ති ප්‍රකාශය දිහා බැලුවාම වගකීම් රාශියක් තිබෙනවා. ඒ නිසා තමයි ඒ ආකාරයෙන්ම තබා ගැනීමට තීරණය කළේ.
තමන්ට ලැබුණ අමාත්‍යධුරය ගැන සැකයක් තිබෙන්න පුළුවන්. නම කොහොම වුණත් වගකීම් විශාල බව තේරුම් ගන්න ඕන.
හැම රාජ්‍ය අමාත්‍යධුරයකට මම වසර ගණනාවක් තිස්සේ අධ්‍යන කරපු අවශ්‍යතාවන් දිහා බැලුවාමත් මැතිවරණ ව්‍යාපාරය තුළ ඒ ඒ ප්‍ර දේශවලට ගියාම දැකපු ජනතා අවශ්‍යතා දිහි බැලුවාමත් ඒවා ඉටුකර ගැනීමටයි රාජ්‍ය අමාත්‍යධුර ලබාදී තිබෙන්නේ.
ජනතාවගේ අවශ්‍යතාවන් දිහා බලලා මේ අමාත්‍යධුර වෙන්කර තිබෙනවා. දුම්රිය සේවා රාජ්‍ය ඇමති ගත්තෙත් අද දුම්රිය සේවය ගැන විශාල අවශ්‍යතාවක් තිබෙනවා.
එය දියුණු කළ යුතුයි. ඒ නිසා තමයි ඒක රාජ්‍ය අමාත්‍ය කාර්යාලයක් ලෙස වෙන් කළේ. දුම්රිය සේවය දිගු කරන්නත් කාර්යක්ෂම කරන්නත් අවශ්‍යයි.
දේශීය වෛද්‍ය සේවාව දියුණු කිරිම ගැන කථා කළා. එය සංචාරක අංශයට භාවිත කරන්නට. එයට ඇති ප්‍රමුඛත්වය නැති වෙලා යනවා. මේ ගැන සොයා බලලයි අපි කල්පනා කළේ එයට රාජ්‍ය අමාත්‍යවරයෙක් ලබාදෙන්නට.
සමාජ ආරක්ෂණ අමාත්‍යවරායට දිළිඳුකම ගැන අපි කථා කළා, මගේ මැතිවරණ ප්‍රචාරක කටයුතු වලදීත් අපේ විරුද්ධ පක්ෂයේ මැතිවරණ ප්‍රකාශයේත් දිළිඳුකම පිටු දැකීම ගැන කථා කළා. මේ නිසයි එම අමාත්‍යාංශය පත්කළේ. ඒක ඉතාමත් වැදගත් අමාත්‍යාංශයක්.
කාන්ත හා ළමා කටයුතු කාන්තාවකට දෙන්න බැරිවුණත් ඒක අපේ ප්‍රතිපත්ති ප්‍රකාශයේ වැදගත් අංශ.
තාක්ෂණය දියුණු කිරීම ගැන අපි ප්‍රමුඛතාවක් දී තිබෙනවා. ඒ නිසා ඒ අංශයට අපි අවධානය යොමුකර තිබෙනවා.
මේ හැම අමාත්‍යාංශයක්ම මේ ගැන හිතලා තමයි අපි වෙන්කළේ. ආයතන ලබාගැනීමේදී තමන්ට වැටහෙයි කොච්චර වැදගත්ද කියලා.
අමාත්‍යවරුන්ගෙන් ඉල්ලා සිටිනවා රාජ්‍ය අමාත්‍යවරුන්ට හා නියෝජ්‍ය අමාත්‍යවරුන්ට වැඩ කරන්න අවස්ථාව දෙන්න කියලා.
ඔවුන්ට වගකීම භාර දීලා ඒක කරන්න දෙන්න. රාජ්‍ය අමාත්‍යවරුන්ට ලේකම්වරයෙක් එනවා.
මේක වරප්‍රසාදයක් නෙමෙයි වගකීමක්. ඒ වගකීම නිසියාකාරව ඉටු කරන්න අපි වෙහෙසවෙලා වැඩ කරන්න ඕන.
අපිට ලොකු අභියෝගයක් තිබෙනවා. විශේෂයෙන්ම රාජ්‍ය අංශය දිරිමත් කරලා රාජ්‍ය අංශය ක්‍රියාත්මක කරලා ජනතාවට සේවය කරන්න අපි අමාත්‍යවරුන්ගෙන් ඉල්ලා සිටිනවා.
තනතුරු නොලැබුණත් මන්ත්‍රීවරුන්ට කරන්න පුළුවන් වගකීමක් තිබෙනවා. 
රාජ්‍ය සේවය ක්‍රියාත්මක කිරීම සඳහා වැදගත් කාර්යයක් භාර දී තිබෙනවා.
ඒ වගකීම අපි නිසියාකාරව ඉටු කරමු අලුත් රට දිරිමත් කරලා ජනතාවට සේවය කරන්න සිතාගමු”
(නව රාජ්‍ය සහ නියෝජ්‍ය අමාත්‍යවරුන් අමතා ජනාධිපතිවරයා කළ කතාව පහතින්)