චම්පිකගෙන් විශේෂ හෙළිදරව්වක් මෙන්න ! | Colombocall චම්පිකගෙන් විශේෂ හෙළිදරව්වක් මෙන්න ! - Colombocall

Hot News

චම්පිකගෙන් විශේෂ හෙළිදරව්වක් මෙන්න !





මහින්ද රාජපක්ෂ කිසිදු ටෙන්ඩර් කැඳවීමකින් හෝ ප්‍රසම්පාදන ක්‍රියාවලියකින් තොරව පොල්මක්කාර උරුමයටම ලංකාවේ ඉඩම් අක්කර හයක් විදේශිකයින්ට ලබාදී ඇති බව මහනගර හා බස්නාහිර සංවර්ධන අමාත්‍ය පාඨලී චම්පික රණවක මහතා අද (11) සොලියස් හෝටලයේ පැවති මාධ්‍ය හමුවකදී සඳහන් කළේය.
එහිදී රණවක මහතා අභියෝග කර සිටියේ වර්තමාන පාලනය විසින් එක් බිම් අඟලක් හෝ විදේශිකයන්ට සින්නක්කරව ලබාදී ඇත්නම්, එය තහවුරු කරන ලෙසයි.
එහිදී වැඩිදුරටත් අදහස් දැක්වූ අමාත්‍ය පාඨලී චම්පික රණවක,
“2016 ජුනි 16 වනදා දෙරණ උණුසුම් පුවත් වෙබ් අඩවිය තුළ පුවතක් පළ වෙනවා. එහි මහින්ද රාජපක්ෂ මහත්තයාගේ ප්‍රකාශයක් සදහන් වෙන්නේ. එහි මහින්ද රාජපක්ෂ කියලා තිබෙනවා, ඔහුට ඩොලර් බිලියන ගණනක් සොරකම් කලා යැයි කියනා කාරණය ඔප්පු කළහොත් උගුරු දණ්ඩ කපාගන්නවා කියලා. මහින්ද රාජපක්ෂ මහතා ජපානයේ සංචාරයේ නිතරත වන අවස්ථාවක ටයිම්ස් පුවත් සේවයට ඔහු සම්මුඛ සාකච්ඡාවක් ලබාදීලා තමයි මෙය සඳහන් කර තිබෙන්නේ. එහිදී වත්මන් රජයේ ඉහළ නිලධාරින් ඇතැම් අවස්ථාවල මේ චෝදනාව එල්ල කරනා බවත්, කෙසේ හෝ තමන් එක ඩොලරයක් හෝ සොරකම් කළ බව ඔප්පු කළහොත් උගුරු දණ්ඩ කපාගන්නා බවත් ඔහු අවධාරණය කර තිබෙනවා.
ඔහුට සොරකම් චෝදනා එල්ල වන හැම විටම දේශපාලන පලිගැනීම් කියලා ඔවුන් සඳහන් කළේ. ඒ වගේම මේ රටේ ආරක්ෂක අංශවල ගෞරවය පිළිබද ඉහළින්ම වැඩ කලේ ඔවුන් බව මහින්ද රාජපක්ෂ සඳහන් කරනවා.
යුධ හමුදා මුලස්ථානය පිහිටා තිබුණේ බ්‍රිතාන්‍ය පාලන කාලය තුළ සිට. මේ ඉඩම කොටස් දෙකක්, ඔප්පු දෙකකින් ඔහු සින්නක්කරව අලෙවි කරනවා. 2010.12.28 ඉන් එක් ඔප්පුවක් පැවරීම සිදුකරන්නේ. අක්කර හයක්.(හෙට්ටයාර් 2.4ක්) ඩොලර් මිලියන 75කට මෙය සින්නක්කරවම අලෙවි කරන්නේ. ලංකා මුදලින් එය රුපියල් මිලියන 8250ක්.
මේ රටේ ජනාධිපතිවරයාට ව්‍යවස්ථාවේ 33 වගන්තිය අනුව ජනරජයේ ඉඩම් පවරන්න බලය තිබෙනවා. ඒ බලය භාවිතා කර ඔහුගේ මුද්‍රාවද සදහන් කර ඔහු මේ ඉඩම ලබාදෙනවා.
එය ඔහු අලෙවි කර තිබෙන්නේ මෙලෙසින්.,
මෙහි පහත ගැනුම්කාර පක්ෂය යනුවෙන් නම්කරනු ලබන එල්.ඒ. අංක 4, ආර්.ඒ. ද මැල් මාවත, කොළඔ 04 ලිපියනයෙහි පිහිටි ෂැන්ගිලා හොටෙල් ලංකා ප්‍රියිවට් ලිමිටඩ් ආයතනය විසින් ශ්‍රි ලංකාවේ වලංගු මුදලින් ශ්‍රි ලංකා සමාජවාදී ප්‍රජාතන්ත්‍රවාදි ජනරජයට ගෙවන ලද බව මෙමගින් පිළිගනියි. එමගින්  ඇමරිකානු ඩොලර් මිලියන 75ක්  නොහොත්, ශ්‍රි ලංකා රුපියල් මිලියන ඇමරිකානු ඩොලර් මිලියන 8250ක් කරණ කොට ගෙන, ශ්‍රි ලංකා ප්‍රජාතන්ත්‍රික ජනරජයේ ජනාධිපති වන, මහින්ද රාජපක්ෂ ඊට යාකර තිබෙන උපලේඛනයේ සවිස්තරව දක්වා ඇති දේපල එකී ගැනුම්කාර, ෂැංග්‍රිලා හොටෙල් ලංකා ප්‍රියිවට් ලිමිටඩ් ආයතනයටත්, එහි උරුමක්කාරයින්ට හා පොල්මක්කාරයින්ට, ලැබුම්කාරීන්ට මෙයින් අයිතිකර, හිමිකර පවරා දෙම්හ.
ඉඩම් විකුණනවා, විදේශිකයින්ට රට පවරනවා කියන මහින්ද රාජපක්ෂ 2010.12.28 අක්කර හයක් පොල්මක්කාර උරුමයට ෂැන්ග්‍රිලාවරුන්ට ලබා දෙනවා.
2011.03.11 වනදා තවත් හෙක්ටයාර 1.6ක් (අක්කර හතරක් )දෙවන ඔප්පුව මගින් ලබාදුන්නා.
2010.12.29 වන දින මේ ඔප්පුවේ කප්පම අත්සන් කරනවා. එය අත්සන් කරන්නේ සිංගප්පුරුවේදී. ටී. පී. එල්. ආයතනය හා හැලියාඩ් යන ආයතනය සමගින්.ටී .පී .එල් ආයතනය කියන්නේ ගෝඨාභය රාජපක්ෂ මහතා සභාපතීත්වය දැරූ මිහින් ලංකාහි ශාඛාවක්. මේ ගිවිසුමෙන් ඩොලර් මිලියන 05ක් ලැබෙනවා.
හැලියාඩ් ආයතනය හා ටී.පී.එල්. ආයතනය සමග ඩොලර් මිලියන 05ක පගාව ගැන දැන් කතාකරන්න කියලා මම මහින්ද රාජපක්ෂ මහතකාට අභියෝග කරනවා. අද මේ ඩොලර් මිලියන 05හි වටිනාකම රුපියල් මිලියන 900ක්. හැලියාඩ් සමාගම වෙනුවෙන් හිටපු නියෝජිත චිදම්බරම් සේබු මේ පිළිබද කටඋත්තරයක් දුන් උසාවියට  භාවිතා කර හැකි දිව්රුම් ප්‍රකාශයක් තිබෙනවා. එහි මේ තොරතුරු තිබෙනවා.
සමහරුන් හමුදා මුලස්ථානය ගෝඨාභයගේ විශ්මකර්ම නිර්මාණයක් කියලා සදහන් කරනවා. කැබිනට් මණ්ඩලයට දාපු කැබිනට් පත්‍රිකාවේ ආරක්ෂක ඇමති ලෙස මහින්ද රාජපක්ෂ මහත්තයා කිව්වා මේ ලැබුණ  රුපියල් මිලියන 8250න් තමයි මේ ආරක්ෂක මුලස්ථානය හදන්නේ කියලා. ඒ සදහා පැලවත්තේ අකුරේගොඩ තෝරගෙන තිබෙනවා කියලා සදහන් කළා. මෙහි සැලසුම් කරණය හා උපදේශන සේවාවන් ආරක්ෂක හමුදාවට අයිති ලංකා ලොජිස්ටික් සමාගම මගින් සිදුවෙනවා. වියදම සියයට තුනක් ඒ වෙනුවෙන් ලැබෙනවා කියලා. ඒ වගේම මෙහි ප්‍රධාන වාස්තු විද්‍යාඥයා ලෙස මුදිත ජයකොඩි නම් පුද්ගලයෙක් කටයුතු කරනවා කියලා සදහන් කළා. ඔහුට ඒ වෙනුවෙන් සියයට එකක ප්‍රතිදානයක් ලැබෙනවා කියලා සදහන් කළා. මුදිත ජයකොඩි කියන්නේ රාජපක්ෂ පවුලේ ඥාතියෙක්. සදහන් කලේ රුපියල් මිලියන 8250න් ආරක්ෂක මුලස්ථානය ස්ථාපනය කරනවා කියලා. හමුදා මුලස්ථාන වල විශාල අඩුපාඩුවක් තිබුණේ නැහැ.එකම අභිලාෂය හමුදාව මෙතනින් ඉවත් කර එය ෂැන්ග්‍රිලා වෙත ලබා දී කප්පමක් ලබා ගැනීම තමයි ලොකුම අභිලාශය.දැනට එයට රුපියල් මිලියන හැටහතර දාහක් වැයව තිබෙනවා.මෙහි විශාලත්වය වර්ග අඩි දශලක්ෂ 2.7ක්. අපේ රටේ  ආර්ථිකය මෙන් 250ස් ගුණයක් විශාල ආර්ථිකනයක් ඇති  ඇමරිකන් එක්සත් ජනපදයේ පෙන්ටගනයේ විශාලත්වය වර්ග අඩි හැටයි. අපේ ආරක්ෂක මුලස්ථානය පෙන්ටගනෙන් භාගයක්. මේ සදහා මේ වසරට මිලියයන 504ක් අපි  ගෙව්වා. ආසන්න යෙන් මිලියන 5500 ක් කුලියට පමණක් යනවා. මෙහි නේවාසික පහසුකම් නැහැ. එයට තවත් මුදලක් ගෙවන්න සිද්ද වුණා. මෙලෙස එක් ගනුදෙනුවක් පසුපස සැගවු ගනුදෙනු විශාල ප්‍රමාණයක් තිබෙනවා. ඒ ගනුදෙනු අපි ඉදිරියේදී හෙළිකරනවා”යනුවෙන් සඳහන් කළේය.
(පාඨලී චම්පික රණවක මහතා මෙම හෙළිදරව්ව කළ අවස්ථාවේ වීඩියෝව පහතින්)