තව්හිද් කල්ලියට ලංකාවෙන්ම සල්ලි හම්බකරලා දුන්නු හැටි මෙන්න | Colombocall තව්හිද් කල්ලියට ලංකාවෙන්ම සල්ලි හම්බකරලා දුන්නු හැටි මෙන්න - Colombocall

Hot News

තව්හිද් කල්ලියට ලංකාවෙන්ම සල්ලි හම්බකරලා දුන්නු හැටි මෙන්න




ජාතික තව්හිද් ජමාත් කල්ලිය පවත්වාගෙන යෑම සඳහා සියලූ මූල්‍ය ප්‍රතිපාදන ලබා දී ඇත්තේ ෂැංග්‍රිලා හෝටලයේදී බෝම්බ පුපුරුවා ගෙන සියදිවි හානි කරගත් ප්‍රකට ව්‍යාපාරිකයකු වන මොහොමඞ් ඊබ‍්‍රාහිම් ඉන්සාෆ් අහමඞ් විසින් බව පොලිස් බුද්ධි අංශ විසින් අනාවරණය කරගෙන ඇත.

මහා පරිමාණ කුළුබඩු ව්‍යාපාරයෙන් සහ තඹ කර්මාන්ත ශාලාවෙන් ඉපයූ රුපියල් බිලියන ගණනක මුදලක් ඉන්සාෆ් අහමඞ් මෙම සංවිධානය දියුණු කිරීම සඳහා යොදවා ඇති බව බුද්ධි අංශ පවසයි.

තව්හිද් ජමාත් සංවිධානයේ පුහුණු කඳවුරු 17 ක් පවත්වාගෙන යෑමට සහ ආරක්‍ෂිත නිල නිවස්න මිලදී ගැනීමට, යාන වාහන මිලට ගැනීමට මෙන්ම ආධුනිකයින් පුහුණු කිරීම සඳහා මූල්‍ය පහසුකම් ඉන්සාෆ් අහමඞ් විසින් ලබා දී ඇති බව අනාවරණය වී ඇත.

පාස්කු ඉරිදා ප්‍රහාරය එල්ල කිරීමට දින 4 කට පෙර එනම් අප්‍රේල් මස 17 වැනිදා ඉන්සාෆ් අහමඞ් පෞද්ගලික බැංකුවක සිය ගිණුමෙන් රුපියල් ලක්‍ෂ 340 ක මුදලක් ලබාගෙන එය තව්හිද් ජමාත් කල්ලියේ ඉදිරි කටයුතු සඳහා පාවිචිච් කිරීමට සහරාන්ගේ සොහොයුරා වූ රිල්වාන්ට ලබා දී ඇති බව බුද්ධි අංශ විසින් හෙළිකරගෙන තිබේ.

සමන්තුරේ සයින්දමරුදු ප්‍රදේශයේදී මොහොමඞ් රිල්වාන් ඇතුළු තව්හිද් ජමාත් කල්ලියේ සාමාජිකයන් පුපුරුවා ගෙන සියදිවි හානි කර ගත් අවස්ථාවේ එම නිවසේ තිබී සොයාගත් මුදල් ඉන්සාෆ් අහමඞ් ලබාදුන් මුදල් බව ද අනාවරණය වී ඇත.