රත්ගම ඝාතනය වුණු ව්‍යාපාරිකයින්ගෙන් එක් අයෙක් පෙර කොන්ත්‍රාත් මිනීමරුවෙක් ! | Colombocall රත්ගම ඝාතනය වුණු ව්‍යාපාරිකයින්ගෙන් එක් අයෙක් පෙර කොන්ත්‍රාත් මිනීමරුවෙක් ! - Colombocall

Hot News

රත්ගම ඝාතනය වුණු ව්‍යාපාරිකයින්ගෙන් එක් අයෙක් පෙර කොන්ත්‍රාත් මිනීමරුවෙක් !







රත්ගම ප්‍රදේශයේදී ඉකුත්දා ඝාතනයට ලක් වූ ව්‍යාපාරිකයන් දෙදෙනාගෙන් එක් අයෙකු මීට පෙර අවස්ථාවකදී කොන්ත්‍රාත් ලබාගෙන මිනී මැරුම් සිදුකළ බවට චෝදනාවට ලක්වූවෙකු බව වාර්තා වෙනවා. ඒ, මංජුල අසේල කුමාර නමැත්තායි.

ඉකුත් 2010 වසරේ දෙසැම්බර් මස 10 වනදා ආණමඩුව සෙට්ටිකුලම ප්‍රදේශයේදී ස්ටැන්ලි ජෝෂප් නමැති ව්‍යාපාරිකයෙකු ඝාතනයට ලක් වුණා. ඒ, යුද හමුදා නිල ඇදුමට සමාන ඇදුමකින් සැරසී යතුරු පැදියකින් පැමිණි දෙදෙනෙකු කළ වෙඩි තැබීමකින්.

මෙම යතුරු පැදිය පදවාගෙනවිත් ඇත්තේ ඉකුත්දා රත්ගමදී ඝාතනයට ලක්වූ මංජුල අසේල කුමාර නමැත්තායි. එවකට බස්නාහිර පළාත් සභාවේ මන්ත්‍රීවරයෙකු වූ තුෂාර පෙරේරා විසින් ඝාතන කොන්ත්‍රා ලබාදී ඇතැයිද චෝදනා එල්ල වුණා. එම කොන්ත‍්‍රාත්තුව රුපියල් ලක්‍ෂ 10 ක් බවයි වැඩිදුරටත් ප්‍රකාශ වුණේ.

ඝාතනයට හේතුව කොතලහිඹුටු ව්‍යාපාරයක් සම්බන්ධයෙන් ඇති වූ ආරවුලක් බවද සැලකෙනවා.

මේ අතර රත්ගම ප්‍රදේශයේදී සිදුවූ ව්‍යාපාරිකයන් දෙදෙනාගේ ඝාතනය සම්බන්ධයෙන් මේ වනවිට පොලිස් පරීක්‍ෂකවරයෙකු සහ  උප පොලිස් පරීක්‍ෂකවරයෙකු අත්අඩංගුවට ගෙන රක්‍ෂිත බන්ධනාගාරගත කර සිටිනවා.

ඔවුන් දෙදෙනාම දකුණු පළාත් විශේෂ විමර්ශන ඒකකයට අනියුක්තව සේවයේ යෙදී සිටියා.