"මදූෂ්" ගේ කළු සල්ලි සුදු කරන මැෂිම "නිරෝෂන් ප්‍රේමරත්න" ! සියල්ල හෙළිවේ ! සම්පූර්ණ විස්තරය මෙන්න | Colombocall "මදූෂ්" ගේ කළු සල්ලි සුදු කරන මැෂිම "නිරෝෂන් ප්‍රේමරත්න" ! සියල්ල හෙළිවේ ! සම්පූර්ණ විස්තරය මෙන්න - Colombocall

Hot News

"මදූෂ්" ගේ කළු සල්ලි සුදු කරන මැෂිම "නිරෝෂන් ප්‍රේමරත්න" ! සියල්ල හෙළිවේ ! සම්පූර්ණ විස්තරය මෙන්න






ඩුබායිහිදී අත්අඩංගුවට ගත් සංවිධානාත්මක අපරාධකරුවෙකු වන මාකඳුරේ මදූෂ් ඇතුලූ පිරිස සම්බන්ධයෙන් ඩුබායි බලධාරීන් මේ වනවිට විශේෂ පරීක්ෂණයක් ආරම්භ කර තිබෙනවා.

ඊයේ (05) අත්අඩංගුවට ගැනීමෙන් පසු ඔවුන්ගෙන් ප්‍රශ්න  කිරීම් ද සිදුව ඇති බවයි  වාර්තා වුණේ. මෙම පිරිස මේ වනවිට ඩුබායිහි බන්ධනාගාර සිර මැදිරියක රඳවා සිටින බව සඳහන් වෙනවා.

අත්අඩංගුවට ගත් පුද්ගලයින්ගේ රුධිර සාම්පල ද ලබාගෙන තිබෙනවා. ඒ ඔවුන් මත් ද්‍රව්‍ය භාවිත කර ඇත් දැයි සැක හැර දැනගැනීමට බවත් කියවෙනවා.ඔවුන් සම්බන්ධයෙන් ඉදිරි කටයුතු සිදු කෙරෙන්නේ මේ වනවිට සිදු කරන පරීක්ෂණ අවසානයේයි.

මාකඳුරේ මදූෂ් ඇතුළු පිරිස අත්අඩංගුවට ගැනීමේ සිද්ධිය, ඩුබායි මාධ්‍යය ද ප්‍රමුඛ පුවතක් ලෙස වාර්තා කර තිබෙනවා. ඒවායේ දැක්වෙන්නේ ශ්‍රී  ලංකාවට අත්‍යවශ්‍ය අපරාධකරුවෙකු සිය රටේදී අත්අඩංගුවට ගෙන ඇති බවයි.

ඔවුන් සතුව තිබී මත්ද්‍රව්‍ය විශාල ප්‍රමාණයක් ද සොයාගත් බව ඩුබායි මාධ්‍ය වාර්තා කර තිබුණා. ශ්‍රී  ලංකා සහ ඩුබායි බලධාරීන් එක්ව මෙම මෙහෙයුම සිදු කළ බවත් ඉදිරි පරීක්ෂණ ද දෙරටේ බලධාරීන්ගේ මැදිහත්වීමෙන් සිදුවන බවත් එහි වැඩිදුරටත් සඳහන්.

මාකඳුරේ මදූෂ්ට අමතරව තවත් සංවිධානාත්මක අපරාධකරුවන් කිහිපදෙනෙකු මෙහිදී අත්අඩංගුවට ගැනුණා. ඒ වනවිට ඔවුන් ඩුබායිහි සුපිරි හෝටලයක පැවැති සාදයකට සහභාගී වී සිටියා.

මෙරට අපරාධ රැසකට සම්බන්ධ මාකඳුරේ මදූෂ් නැමැත්තා කලක් තිස්සේ ඩුබායිහි සැඟවී සිටින බවට තොරතුරු ලැබී තිබුණා. කලූ තුෂාර නැමැති තවත් පාතාල කල්ලි සාමාජිකයෙකුගේ බිරිඳ සමග ඔහු එහි රැඳී සිට ඇති බවයි වාර්තා වන්නේ.

මධූෂ් ඇතුලූ පිරිස අත්අඩංගුවට පත්වූ සුපිරි හෝටලයේ පැවැති සාදය සංවිධාන කර තිබුණේ ද ඔවුන්ගේ පුත්‍රයාගේ උපන් දිනය වෙනුවෙන්. එහිදී මදූෂ්ට අමතරව තවත් 24දෙනෙකු අත්අඩංගුවට ගැනුණා.

ඒ අතරට හෙරොයින් සහ සංවිධානාත්මක අපරාධ ක්‍රියාවලට සම්බන්ධ කෙසෙල්වත්තේ දිනුක, වැලිගම සුද්දා සහ කංජිපානි ඉම්රාන් නමැත්තා ද අයත්.

තවත් සංවිධානාත්මක අපරාධකරුවෙකු වන අංගොඩ ලොක්කා ද අදාළ සාදයට පැමිණ ඇති බවට ද තොරතුරු වාර්තා වනවා. සාදය පැවති ස්ථානයෙන් පිටත සිට ඇති ඔහු වැටලීම සිදුවනු දැක හෝටල් පරිශ්‍රයෙන් පලා ගොස් ඇති බවටයි මූලික විමර්ශනවලදී අනාවරණ වී ඇත්තේ.

 මීට අමතරව ජනප්‍රිය ගායන ශිල්පී අමල් පෙරේරා ද ටෙලි නාට්‍ය නළුවෙකු ද ඔවුන් සමග සිටියදී අත්අඩංගුවට ගැනුණා. මෙම පිරිස සතුව මත්ද්‍රව්‍ය තිබූ බවටද තොරතුරු වාර්තා වනවා.


මේ අතර මේ වන විට මාකඳුරේ මධූෂ් හට ඇප ලබා දී නිදහස් කිරීමට  ලංකාවේ ප්‍රධාන පෙළේ තරුණ දේශපාලකයෙක් කටයුතු කරමින් සිටින බවට වාර්තා වෙනවා.

 මදූෂ්ගේ පියාගේ මළගෙදර සඳහා ද සහභාගී වූ ඔහු නිරෝෂන් ප්‍රේමරත්න බවයි වාර්තා වෙන්නේ.

කෙසේ නමුත් සමාජ මාධ්‍ය වෙත අයෙක් පල කර තිබූ අදහසක කොටසක් පහළින් දැක්වේ.එහි දැක්වෙන පරිදි මදූෂ්ගේ කළු සල්ලි සුදු කර ඇත්තේ නිරෝෂන් ප්‍රේමරත්නයි.

"ස්වාධීන රූපවාහිනියෙන් මාසික වැටුපක් ලබන නිවේදකයෙක් ලෙස සිටි ඔබ පසුගිය මැතිවරණයට අත දිග හැර වියදම් කර මාතර දිස්ත්‍රික්කයෙන් පාර්ලිමේන්තුවට පැමිණියා පමණක් නොව ඉන් පසු පර්චසයක වටිනාකම රුපියල් මිලියන පහකට අධික කොලඹ දිස්ත්‍රික්කයේ තලවතුගොඩින් ඉඩමක් ගෙන රුපියල් කෝටි ගණනක් වටිනා අති නවීන සුඛෝපභෝගී පන්නයේ සුපිරි වෙලදසැලක්ද විවෘත කල වගට රාවයක් යමින් පවතී.
එමෙන්ම ඒ සදහා ඔබට මුදල් ලැබුණේ මාකදුරේ මදූෂ්ගෙන් බවට විවිධ පුද්ගලයන් පවසයි.
ඒ පුද්ගලයන්ට අනුව මදූෂ්ගේ කළු සල්ලි සුදු කිරීමේ ප්‍රධාන කප්පිත්තා ඔබය."

කෙසේ නමුත් මෙවන් අපරාධකරුවන් වෙනුවෙන් පෙනී සිටින දේශපාලකයන් මතක තබාගෙන සිට නැවත පාර්ලිමේන්තුව වෙත නොයැවීම ජනතාව සතු වගකීමක් වෙනවා.