රවී සිදුකිරීමට යන මිලියන 90 000 ක පාඩුව ! මාධ්‍ය මැද "බටගොඩ" අනාථයි ! -VIDEO- | Colombocall රවී සිදුකිරීමට යන මිලියන 90 000 ක පාඩුව ! මාධ්‍ය මැද "බටගොඩ" අනාථයි ! -VIDEO- - Colombocall

Hot News

රවී සිදුකිරීමට යන මිලියන 90 000 ක පාඩුව ! මාධ්‍ය මැද "බටගොඩ" අනාථයි ! -VIDEO-






කෙරවලපිටිය මෙගා වොට් 300 LNG බලාගාර ටෙන්ඩරය සම්බන්ධව පෙරේදා(21) උදෑසන විදුලි බල අමාත්‍යංශයේ විවෘත මාධ්‍ය සාකච්ඡාවක් කැඳවා තිබූ අතර එහිදී ඉංජිනේරුවරුන්ගේ කරුණු පැහැදිලි කිරීම් හමුවේ විදුලිබල අමාත්‍යංශයේ ලේකම් සුරේන් බටගොඩ යන මහත්වරුන් බරපතළ ලෙස අපහසුතාවයට පත් වූ බව වාර්තා වී තිබේ.

ළ්ණ්ඝ් බලාගාර ටෙන්ඩරය චීන සමාගමට ලබාදීම සදහා විදුලිබල අමාත්‍යංශය ගනු ලැබූ තීරණය සාධාරණීකරණය කිරීම සදහා මෙම මාධ්‍ය හමුව කැඳවා තිබුණද ඊට සම්බන්ධවූ දේශීය සමාගමේ ඉංජිනේරුවරුන් විසින් තර්කානුකූලව අදහස් දක්වමින් මෙම ටෙන්ඩරය චීන සමාගමට ලබාදීම නිසා රුපියල් මිලියන 90,000 පාඩුවක් ඉදිරි වසර 20ක කාලය තුලදී සිදුවන බව පැහැදිලි කරන ලදි.

මාධ්‍ය හමුව අතර ඇතිවූ සංවාදයේදී විදුලිබල අමාත්‍යංශයේ ලේකම්වරයා විසින් චේතාන්විතවම රජයේ ප්‍රසම්පාදන ක්‍රියාදාමය උල්ලංඝනය කිරීම සදහා කටයුතු කර ඇති බව හෙළිවූ අතර ලේකම්වරයා එම හේතුව නිසා දැඩි අපහසුතාවයට පත්විය.

මෙහිදී හෙළිදරව් වූ තවත් එක් විශේෂ කරුණක් වූයේ ටෙන්ඩර් පටිපාටිය අතරතුරදී අමාත්‍යංශ ලේකම්වරයා විසින් ටෙන්ඩර් අයදුම්කරුවන්ව අමාත්‍යංශයේ සිය නිල කාමරය වෙත කැඳවා අත යට ගණුදෙනුවක් සිදුකිරීම සඳහා ඔවුන්ව පොළඹවා ගැනීමට උත්සාහ කර ඇති බවයි.

මෙම මාධ්‍ය හමුව සදහා ටෙන්ඩරය හිමිවූ ජී.සී.එල් සමාගමේ නියෝජිතයින්ද සහභාගී වූ අතර මාධ්‍යවේදියෙකු විසින් යොමු කල ප්‍රශ්ණයකට පිළිතුරු ලබා දෙමින් එම සමාගමේ 70% අයිතිය චීනයට හිමි බව මාධ්‍ය හමුවේදී පිළිගනු ලැබීය.

මෙම ටෙන්ඩරය සම්බන්ධයෙන් විශයභාර අමාත්‍ය රවී කරුණානායක මහතාද නිවැරදි තොරතුරු දැනගනු ලැබුයේ ඒ මොහොතේ යැයි අමාත්‍යවරයාගේ හැසිරීමෙන් මාධ්‍යවේදීන්ට හැගීගිය බව වාර්තා වී ඇත.

කෙසේ වෙතත් මෙම ටෙන්ඩරය වැඩි මිලක් ඉදිරිපත් කල චීන සමාගමට ලබාදීමට විදුලිබල අමාත්‍යංශය විසින් ගනු ලැබූ තීරණය වෙනස් කිරීමට මෙතෙක් තීරණය කර නැත.