උතුරට පොකුරු බෝම්බ ගැහුවේ නෑ ! ඒක සත්‍යක් ! ITJP හෙළිදරව්ව මෙන්න | Colombocall උතුරට පොකුරු බෝම්බ ගැහුවේ නෑ ! ඒක සත්‍යක් ! ITJP හෙළිදරව්ව මෙන්න - Colombocall

Hot News

උතුරට පොකුරු බෝම්බ ගැහුවේ නෑ ! ඒක සත්‍යක් ! ITJP හෙළිදරව්ව මෙන්න





රාජපක්ෂ පාලනයේ දියත් කළ උතුරේ යුද්ධයට පොකුරු බෝම්බ හා රසායනික අවි යොදා ගත් බවට එල්ලවන චෝදනා රනිල් වික්‍රමසිංහ ආණ්ඩුව විසින් ද ප්‍රතික්ෂේප කර තිබේ.

පොකුරු බෝම්බ හා රසායනික අවි භාවිතා කල බවට චෝදනා කරමින් දෙමළ ජාතික සන්ධානයේ ඇතැම් මන්ත්‍රීවරුන් දේශපාලන වාසි ලබාගැනීමට උත්සාහ කරන බවට ආරක්ෂක රාජ්‍ය අමාත්‍ය රුවන් විජයවර්ධන 09 බදාදා පාර්ලිමේන්තුවේදී පැවසීය.

ශ්‍රී ලංකාවේ හමුදා යුද සමය තුළ පොකුරු බෝම්බ භාවිත කළ බවට කිසිදු සාක්ෂියක් නොමැති බවත් හමුදාවට එල්ලවන චෝදනා සියල්ල ප්‍රතික්ෂේප කරන බව ද රාජ්‍ය අමාත්‍යවරයා මෙහිදී ප්‍රකාශ කළේය.



ITJP හෙළිදරව්ව

යුද්ධයේ අවසාන මාස කිහිපයේදී ශ්‍රී ලංකාවේ හමුදා පොකුරු බෝම්බ ගැසූ බව සඳහන් කෙරෙන මෙතෙක් ප්‍රසිද්ධියට පත්වී නැති එක්සත් ජාතීන්ගේ අභ්‍යන්තර පණිවිඩ කිහිපයක් ජාත්‍යන්තර මානව හිමිකම් සංවිධානයක් පසුගිය වසරේ ඔක්තෝම්බර් මාසයේදී හෙළි කරන ලදී.

එහිදි පොකුරු බෝම්බ භාවිතා කළ බව සනාථ කිරීම සඳහා එක්සත් ජාතීන්ගේ සංවිධානයේ දත්ත මෙන්ම වන්නි වැසියන් ගණනාවකගේ ප්‍රකාශ ද ශ්‍රී ලංකාවේ සත්‍යය හා යුක්තිය සඳහා වන ව්‍යාපෘතිය (ITJP) ප්‍රසිද්ධියට පත් කළේය.

යුද්ධය බරපතල ලෙස ඇවිල ගිය 2009 මාර්තුවේ එක්සත් ජාතීන්ගේ කාර්ය මණ්ඩල සාමාජිකයන් විසින් හුවමාරු කරගන්නා ලද කෙටි පණිවිඩ කිහිපයක දැක්වෙන පරිදි මාර්තු 5 සිට 19 දක්වා දෙසතියක කාලය තුල පොකුරු බෝම්බ ප්‍රහාරවලින් මියගිය පිරිස 225 ඉක්මවන බවයි එහි සඳහන්ව ඇත්තේ.

“මහ පොකුරු වෙඩිල්ල ඉහල අහසේ පුපුරාපුවාම පුංචි බෝම්බ කැටිති වැස්ස වගේ සද්දෙට මලක් හැඩේට විහිදෙනවා,” යි විශ්වමඩුවට පොකුරු බෝම්බ හෙලනු දුටු බව පවසන අයකු ITJP හා පවසා ඇත.

බිම් බෝම්බ ඉවත් කරන ලෝකයේ ප්‍රමුඛතම සංවිධානය වන හේලෝ ට්‍රස්ට් (Halo Trust) කාර්ය මණ්ඩල සාමාජිකයකු විසින් දෙන ලද කිලිනොච්චි සහ මුලතිව් දිස්ත්‍රික්ක වලින් හමුවූ පොකුරු බෝම්බ දැක්වෙන ඡායාරූප සහිත සාක්ෂි ලන්ඩනය මුලස්ථාන කොට ගත් ගාඩියන් පුවත්පත විසින් 2016 ජූනි මාසයේදී පල කර තිබුනි.