රනිල් ගේ තවත් මගඩියක් හෙළි වේ ! -පාඩුව ලක්ෂ 8000 යි- | Colombocall රනිල් ගේ තවත් මගඩියක් හෙළි වේ ! -පාඩුව ලක්ෂ 8000 යි- - Colombocall

Hot News

රනිල් ගේ තවත් මගඩියක් හෙළි වේ ! -පාඩුව ලක්ෂ 8000 යි-





අගමැතිවරයා යටතේ ඇති "වගා බදු අරමුදලේ" රුපියල් කෝටි 800කට සිදුවුණු දෙයක් නොමැති බව සමස්ත ලංකා ගොවිජන සම්මේලනය අනාවරණය කරයි.

එහි ජාතික සංවිධායක නාමල් කරුණාරත්න කියා සිටියේ ගොවීන්ගේ වගා වන්දි
වෙනුවෙන් කෘෂි රක්ෂණ මණ්ඩලය වගා බදු අරමුදලින් රුපියල් කෝටි 700ක් ඉල්ලා සිටි විට එහි තිබූ මුදල්වලට සිදුවූ දෙයක් නොමැති බව දැනගන්නට ලැබී ඇති බවයි.

මහ බැංකු බැඳුම්කර වංචාවෙන් දුන් සුද්දය වගා බදු අරමුදලටත් දී ඇත්දැයි වහාම සොයා බැලිය යුතු බවද කරුණාරත්න මහතා පැවැසීය.

එම වගා බදු අරමුදලට මුදල් වෙන් වන්නේ මෙරට රාජ්‍ය හා පෞද්ගලික සියලුම මූල්‍ය ආයතනවලින් වාර්ෂිකව ලැබෙන 1%ක පොලියක් යටතේ වන අතර එම අරමුදල හරහා ගොවියා යම් විපතකට පත් වූ විට ඔහුට වන්දි ලබා දිය හැකි බවද ඒ මහතා කීය.ඔහු වැඩිදුරටත් පැවැසුවේ ආණ්ඩුව මාධ්‍ය සන්දර්ශන පවත්වමින් ගොවීන්ට වගා වන්දි දුන් බව පැවැසුවද දැනටත් වන්දි නොලැබූ පිරිස 90%කටත් ආසන්න බවය.

මෙසේ කවුරුන් වුවත් විනාශ කරන්නේ හෝ හොරකම් කරන්නේ පොදු මහජනතාව බදු වශයෙන් ගෙවා පෝෂණය කළ භාණ්ඩාගාර මුදල් නිසා මේ පිළිබඳ කතා කිරීමට මෙන්ම සමාජය දැනුවත් කිරීමට වගකීමක් අප සියළු දෙනාටම පැවරී තිබේ. මීට පෙර  මහ බැංකු වන්චාව ද හෙළි වූවේ මෙවන් ආකාරයකටයි.